ديوان الشاعر محمد الزعبي

ابا أكتب شعر وقول مرحبا الساع ... ابا أكتب بقلبٍ ضايق و حزين

كُلي فَخَر وحُبْ و اِبداع ... الشِّعْر يَجْري بالدم و الشرايين

وينَك يا حبيبي رِحلت و خليت الأوجاع ... بِقَفْص الحُبّ خَليتني سَجين

رَحَلْت عَني بدون سَلام ولا وَداع ... كُنت معك ورده بين البساتين

مَسّكت لأشواك قدر المُستَطاع ... حتى فاح عِطرَك بين الياسمين

تعذبت بفرقاك و خاني الحب الخداع ... يالله عسى نجتمع بمرور السنين

ادري بحبك و على وجهك القناع ... غدرك بقلبي كأنه طعنه سكين

لا تفكر بحبك أنا طماع ... كل شي واضح و مبين

ارحل عنى وابتعد كافي صداع ... نسيتني و هانت عليك عشرة السنين

وان كان غيري يعجبك عن باقي الأنواع ... ما عندي استعداد اساير مع كل البرهين

ياما نويت اكتب لك مراسيل ... مضمونها حب و شوق و هيام

اتعب على كتابتها في سواد الليل ... واتعب على اللحن مع الكلام

احساس و مشاعر ما مثله مثيل ... لو إنه يختفي تختفي كل الأنغام

قالوا اوصف لنا بنت الاصيل ... قلت اسمعوا مع الالتزام

رسمة شفايفها بها الليل يميل ... ولا الشعر ما تلقى مثل هالخام

لا فلت على على خصرها تحسبنه ثقيل ... حرير ما عليه اي كلام

رمشها فوقه كحل كحيل ... ولا تسألني عن العيون اللي تشافي الآلام

و يا محلى ذاك الخصر النحيل ... على جسمها ولا كل الأجسام

حبها يشافي كل عليل ... يوم اشوفها أعلن الأستسلام

يا كثر حلاها و الحلا له دليل ... لها بعيون العاشقين احترام

وما نام الا على صوتها في الليل ... وقول يا محلا مسك الختام

غبت عني ليالي و أيام ... وعيني ما تعرف النوم

ساكت حتى و أنا بلياك ... العالم بكوم وانت بكوم

حالتي صعبة وانا بدونك ... انا ترا العاشق المحكوم

ذكرني فيك ولو برساله ... او سمعني صوتك دايم الدوم

انت تداويني وانت تشافيني ... وانت تبعد عني كل الهموم

أنت تهتم فيني غير كل ناسي ...عسى محبتنا تدوم و تدوم

لو كنت غايب منت في القلب غايب ...مكانتك محفوظه كل يوم

كتبت فيك الشعر بيتٍ ورا بيت  ... والــيـوم ماكني كتبت الأبيات

اكتب لك الأبيات لو اني مليت ... قلبي ما عاد سمع النبض ولا الدقات

افتش عنك من بيت ل بيت...و ادور عنك بين الحارات

اسأل عنك ولا انت رديت ... سألت الأحباب مرات و مرات

وان قلت ابي شوفك ومشتاق صديت ... انشهد ان الشوق لازاد .. مات

من شوفتك بعد ما اكتفيت ... تمنيت شوفتك بكل الأوقات

تمنيت شوفتك لو بالمبيت... امنيتي ادعيها لرب السماوات

وانت جيتني على بيتي دقيت ... قلت أهلا باجمل الجميلات